هل انت رباعى ولا خماسى الابعاد ! ولا انت عبقرى وبيقولو عليك مجنون !

بسم الله الرحمن الرحيم
السلام عليكم ورحمه الله وبركاته
==================
انا عارف ان العنوان غريب وغامض لكن ندخل على طول فى الموضوع

فى ابتدائى أخدنا ان الدنيا بعدين ( س. ًص) أفلام كارتون يعنى.. وفى اعدادى اكتشفنا انها ثلاثية الابعاد ( س. ص. ع).. وفى ثانوى اتفاجئنا انها أربعة باضافة البعد الزمنى

ولكن الحقيقة ان الدنيا خماسية الابعاد.

ايه حكاية البعد الخامس ده بقى ؟! .. البعد الخامس يا شباب هو الذى أنقذ دماغ أرشميدس من القطع على سيف عشماوى بتاع الامبراطور الرومانى... وهو اللى عمل من نيوتن والتفاحة أشهر من مادة الميكانيكا اللى وضع أساسها نيوتن وأصبح ذكر اسمه شيئا ضروريا فى أى كتاب يحمل لقب علمى ,.... وعشان ما أطولش عليك هو السبب فى كل الاختراعات والاكتشافات والكتب والافلام والاكل الحلو..
من الاخر كل ابداع جاء بسبب البعد الخامس اللى هو النظرة المختلفة للأشياء ..

أى حد عبقرى مابقاش عبقرى عشان هو اتولد عبقرى لكنه أصبح عبقرى لما شاف البعد الخامس لاى حاجة فى الدنيا وهو ده طريقك للعبقرية فكتب المدرسة ومن بعدها ملازم الجامعة لاتصنع العبقرية بل على العكس تصنع الغباء والدهولة وتضع على باب أجدعها خيال شمع أحمر حكومى من النوع الروسى اللى يقفل وما يفتحش تانى ,

أديسون بتاع المصباح الكهربائى كان بيسقط فى المدرسة _بس ده مش سبب عشان تسقط_ لانه كان عبقرى اكتشف البعد الخامس فى ملف التانجستين وعمل اللمبة يعنى هو المسئول عن النور اللى احنا فيه دلوقتى وعشان تبقى زيه لازم تتجرد من أى حاجة تعيق خيالك أترك لخيالك العنان ماتفكرش زى الناس العادية حتى لاتصبح مثل الملايين من البشر من دخلوا الدنيا وخرجوا منها دون أن يتركوا ما يتذكرهم العالم به .

بص للدنيا من الناحية التانية ـ مش ظهرها طبعا ـ اتفرج على الناس فى الشارع ـ مش المزز ـ استلهم من الدنيا عبقريتك لاتترك الامور تمر من أمامك دون أن تفحص وتمحص وتنظر فكل المشاهد أمامك تدعوك لتخرج العبقرية منها ليستمتع الناس بها.

ليه الارض كروية؟!..طب ليه الوقت ما بيرجعش؟!.. ليه الناس بتصحى بالنهار وبتنام بالليل ليه مش العكس؟!... اتمرد.. أرفض ممكن الناس تكرهك.. كل العظماء كانوا كده ممكن الناس تبعد عنك وهم يعنى كانوا نفعوا مين؟! اسعى دايما للتفرد وخليك متأكد ان الناس اللى كرهتك هترجع تحبك وكل اللى نبذك هيتمنى يتصور معاك ساعتها يا pop ابقى نفض أو وافق أو حتى أرفض واشخط من حقك ما أنت بقيت عبقرى كل ده بسبب البعد الخامس بسبب نظرتك الغريبة والثاقبة للاشياء لو كنت طالب ماترضاش بالقوانين زى ماهى جادل وناقش كل القوانين تقريبا كانت غلط واتصححت ماعدا القوانين الالهية هى القوانين الثابتة.

ارفض الحب التقليدى دور على البعد الخامس فى الحب.. دور فى حبك على حاجة جديدة تخليك واحد تانى غير كل اللى حبوا قبلك روميو طلع شجرة لجولييت .. عنتر جاب النوق الحمر لعبلة والناس فضلت فاكراهم أما الناس التانية الرباعية الابعاد فخلاص اتنسوا ومحدش فاكرهم ومحدش هيفتكرهم لانهم ما فكروش فى الدنيا صح .

قشطه وتحياتى
free man

عدد المساهمات : 32 تاريخ التسجيل : 27/12/2009

يا فري مان انا معاك في حكاية التامل و كدة بس مش معني التامل =التمرد بل علي العكس مش لازم الانسان يكون ديما شاذ عن الي حوليه عشان يشوف البعد الخامس دا مش لازم يكون حمار في درستة عشان يبقي عبقري انا شيفا ان نيوتن اكتشف الجاذبية بالتامل لا التمرد و اينشتين دا ليس مقياسا لان دا مش طبيعي مينفعش نضرب المثل بية
بس فكرة حلو من غير تمرد Rolling Eyes

شكرا جزيلا لمرورك ورأيك الجميل جدا
لكن احب اوضح نقطه بسيطه
احنا متفقين ان اساس العبقريه هو التأمل وليس التمرد
انا قولت ان فيما معناه لو فينا حد عنده نظره مختلفه او فكره ما لكنها مختلفه اكيد بلاشك هتلاقى معارضه من الناس وهيبقى فى مؤيدين لكنهم قله قليله جدا
فبالتالى سلاحى فى الحاله هو التمرد
التمرد هنا مش معناه انى اكون سفيه او غبى او اعمل انتفاضه ومظاهره واتصرف بغباء
لكن اقصد التمرد الفكرى يعنى طالما انا واثق من فكرتى وواثق من قدراتى ابعد عن الناس واتمرد فكريا عن معارضتهم واضعف الايمان انى لا القى لهم بالا ولا اهتم بما يقولون
هو ده التمرد اللى انا اقصده
اما بالنسبه للسقوط انا قولت ان دا مش سبب للعبقريه كما فى حاله اديسون ..دى كانت دعابه وبأكد بها ان مش معنى ان واحد فينا تعسر فى شئ مش بالضرورى يكون فاشل فيه والراجل سقط واصبح عالم عبقرى

وعلى فكره انا مجبتش سيره اينشتاين فى الكلام ولم اجعله مثالا يحتذى به والعلماء اللى ذكرتهممن اجل تقريب الصوره وليس اكثر
لكن فعلا لازم يكون الواحد مختلف لانه لو بقى عادى مش هيبقى عبقرى

واهم حاجه ياريت تفهمنى فيها انى بتكلم ع الاختلاف والتمرد ووو .. الخ كفكر وليس كسلوك

اهم حاجه ان كل واحد يعرف قراته وامكانياته ويبقى عنده ثقه فى نفسه ويتخذ الطرق المناسبه لترويضها

اشكرك مره اخرى لمرورك الجميل ورأيك الجاد

شكرا على موضوعك الجامد يا فرى ...تغيب تغيب وترجع بمواضيع جامدة ...بس بامانة الموضوع ده عبقرى جدا وجديد على المنتديات لدرجة انى هاسرقه وهوديه فى منتديات العواجيز بتاعتى ...والاهم فى الموضع انه بسيط وسهل مش متعقد ...بجد اسلوبه هايل جدا

ثانيا ... تمرد او تامل انا شايف ان مش دى هى اللى هاتصنع الفارق ... ورايي المتواضع ان الشخص اللى عنده اليعد الخامس ده عنده شوية حاجات مش عند الناس التانية او عنده بس مركزة شوية.. زى مثلا ...
1- الملاحظة ( دى ممكن تيجى من التأمل ) يعنى من الاخر بيشوف الحاجة مش زى ما احنا شايفنها انما بيشوفها من منظور تانى ...
2- التحليل ...عنده قدرة على فهم الامور بشكل مفصل ( يعنى بيفصص الحاجة )
3- العبقرية ....يعنى ازاى احل حاجة افضل حل
4- الجرأة .... يعنى اعمل الحل اللى انا اشوفه انه صح مهما كلفنى الامر ( هنا ييجى التمرد على كلمة لا الفروض ومش هاينفع ومش معقول ومستحيل ) ده اللى لازم نتمرد عليه ( الاستسلام ) طبعا مش التمرد على حاجة عيب او حرام انتو فاهمنى اكيد...
5- عدم اليأس ... يعنى كل اختراع جه بعد تجارب منها فشل ومنها اللى نجح ...المهم ان احنا نحاول تانى وتالت طالما مؤمن بالفكرة بتاعتى ولو الحل ده مانفعش افكر فى حل تانى وتالت وهكذا...
6- التوفيق .... أعتفد ان التوفيق مهم طبعا ...... مش كدة ولا ايه

ده رأيي والله أعلى وأعلم.....

وشكرا على الموضوع الجميل ده

بص من الاخر وبصراحه
وبدون نفاق(ونا هنافقك ليه).
بدون مجامله(مبجاملش حد).
موضوعك ده موضوع متكامل,بمعنى انه يتميز بحاجات كتير اهمها :

1-لغه الحوار مع القاريء (ايه حكايه البعد الخامس دى )وده مهم جدا من اجل تفاعل القارئ والكاتب.
2-روح الفكاهه اثناء الحوار (عشماوى بتاع الامبراطور الرومانى __ شمع احمر روسي _ اتفرج ع المزز ) عشان منمش منك.
3-لهجه مفهومه وسهله بسيطه (ليه...........طب ليه........... يتصور معاك يا بوب )عشان الكل يفهمها.
4-الاستشهاد بالامثله والشخصيات لتقريب وجهه نظرك (اديسون والمصباح الكهربى _ارشميدس والامبراطور _ ميكانكا نيوتن).
5-اختلاف الالوان عند الكلمات المميزه .

والله موضوع جامد اخر حاجه واسلوب مميز ف الكتابه فى صوره افكار منظمه
الله عليك
مهندس من يومك ي عبده

hiiiiiii
My dear friend /Abdoo
in my opinion ,i think this genius issued from combination of will and determination
if you have this combination you will make the legend (Without Madam Rasha Laughing

)
definitely ,All champions were not born champions
by some training ,exercises ,sharing in a lot of competition
and hard working
they might make their history
as well as scientists doctors and all people
i always say:
To have your goal , you must work hard"
Good Luck my friends
with my best wishes