لماذا نحب........؟

لماذا نحب ؟

لماذا تبحث عنه فى كل مكان ؟

كل شخص تقابله من الجنس الآخر , أول خاطر يداعبك هو : هل يمكن أن أحب ذلك الشخص ؟

إذا وقعت عيناك على حبيبين يجلسان فى جو من الحب , دون وعى منك تحسدهما على ما هما فيه .

و أذا أتت اللحظة التى أنتظرتها طويلاً , تلك اللحظة التى تقابل فيها من يخفق له قلبك

تبدأ فى الحيرة و التردد , هل تصارحه أم لا ؟

تسهر عيناك طوال الليل تفكر فيه , و أذا أغمضتهما تحلم به

أذاً فالحب حيرة و تردد و قلق , فلماذا نحب ؟

و هنا تقرر أن تصارحه , و بكل ما تملك من شجاعة و قوة تنطقها , و تمر لحظات قليلة على من حولك , و لكن عليك هى دهر بأسره , دهر تحول فيه قلبك مدفعاً من الأنفعال , عليك هى لحظات من العذاب .

أذاً فالحب عذاب , فلماذا نحب ؟

و فالنفترض أن ذلك الشخص بادلك نفس الشعور , و قال لك نفس الكلمة التى نطقتها شفتاك منذ لحظات , لحظتها يهيأ لك أنها لم تكن كلمة , بل أغنية ناعمة رقيقة , أغنية حولت ذلك المدفع الذى كان يدوى منذ قليل إلى كروان هادئ , يغنى لا يخفق , أغنية جعلت لسانك يطلق من الوعود ما تستطيع و ما لا تستطيع الوفاء به

أذاً فالحب عجز , فلماذا نحب ؟

و تمر الأيام , و تأتى المشاكل بأختلاف أنواعها , أولها و أهمها تدبير الأشياء اللازمة للزواج من شقة و مهر و تلك الأشياء , هذا بخلاف المشاكل بين الطرفين

أذاً فالحب مشاكل , فلماذا نحب ؟

دعنا نفترض مرة أخرى أن الزواج تم , و مع الزواج يبدأ ذلك الحب الذى صارحت به ذلك الشخص أول مرة قابلته فيها يقل , و لكن هذه المرة لا تستطيع أن تصارحه , و تفضل أن تخدعه

أذاً فالحب خداع , فلماذا نحب ؟

و هنا يبدأ قلبك من جديد يبحث عن حب آخر , فى كل مكان , إلى أن تجده و دون أرادة منك تستسلم له , و تنسى أو تتناسى تلك الوعود التى أطلقها لسانك فى أول لقاء مع الحب الأول

أذا فالحب غدر , فلماذا نحب ؟

قالو عن الحب قوة , قالو عن الحب وفاء , قالو عن الحب سعادة , قالو عن الحب صدق . و قالو و قالو و قالو......

و لكن

ما يقال عكس ما يحدث

و يبقى السؤال

لماذا نحب ؟

اسمحلى يا كوتو موتو اختلف معاك المرة دى

انا عايز اقولك ان مش كل الحب ضرورى انه يمر بالمواقف اللى انت قولتها .... فيه حالات كتير بتنتهى نهاية جميلة ... وبعدين احنا ليه بنشوف بس الحاجات السيئة فى اى موضوع ومش بنشوف الجانب المضيء منها

الصفات اللى انت قلتها دى الحب مالوش دعوة بيها ... انت بتحب خلاص حب ... عايز تصارحها ..لو انت واثق من نفسك وعندك الشجاعة الكافية وواثق من اللى انت بتحبها طيب ماتتكلم ...الحب ماله ...دى شخصيتك انت اللى بتتعامل على اساسها

وبعدين السهر والقلق فى عين المحب بيبقى على قلبه زى العسل ..الا لو اللى بيحبه بيخدعه او مش حاسس بيه.... انما تقلق ليه على واحد امين معاك وبيحبك.....صح؟؟؟؟

وبعدين انت لة وعدت واحد وعود كاذبة ...مال الحب بكذبك ..... انت اللى كدة... طيب ماتصارحه على ظروفك

والمشاكل ...دى ظروفك ومش كل الناس كدة ...مال الحب بظروفك الاقبصادية

نرجع تانى للخداع لو حبيبك بيحبك بجد هايغفرلك انك كنت بتحب قبله ....خصوصا انه قبله ... طيب ليه تخدعه
ماتصارحه ...يبقى انت اللى مخادع

ساعات بيكون الانسان مضطر انه يكدب لو صراحته هاتزعل حبيبه .... ماشى بس مش فى كل الحالات ... الا لو انت انسان مش مظبوط وحالاتك كتير...ساعتها ساعتها يبقى انت اصلا ماتستهالش ان حد يحبك...

اما لو دورت على حب تانى يبقى الاولانى ماكنش حب بجد او انت فلبك كبيييييير بيساع من الحبايب الف

انا عايز اقولك على شويةحاجات

1- لماذا نحب ؟؟؟ طيب ولماذا لا نحب ؟؟؟

2- ماهو بديل الحب ؟؟؟؟ الكره .... ام تبلد المشاعر ايه هايكون شكل الحياة ساعتها
3- ليه ماتخليش حبك يديك الدافع انك تغير من شخصيتك للاحسن او تحاول انك تقهر ظروفك وتحاول تحل مشاكلك

4- الظروف والمشاكل عمرها ماكانت هى المقياس لنجاح الحب او فشله ...يعنى لو انا غنى ومقتدر احب ولو انا فقير ماحبش ولا ايه ؟؟؟؟

5- الحب مش زرار بندوس عليه عشان نحب او حتى مجرد قرار ممكن ناخده او نلغيه من قاموسنا
الحب احساس ومشاعر صعب التحكم فى وجودها او الغاثها

طيب وايه الحل .... لو حبيت .... وقدرت انك تكمل حبك ده بالشكل السليم يبقى اهلا وسهلا

طيب لو الظروف وقفت دون تحقيق ذلك ...... خلاص اصبر لما ظروفك تتحسن وحاول تظبطها وكل شيء وليه اوان ولو ربنا كاتبلك خير اكيد هاتشوفه واكتم حبك وعييييش

وده مجرد راى

ويجعله عامر